«Жарқын болашақ»

2020 жылдың 16-қаңтарында аудандық білім бөлімінің ұйымдастыруымен мектебіміздің қабырғасында «Жарқын болашақ» республикалық олимпиадасының аудандық кезеңі өтті. Дәстүрлі түрде іске асып жатқан бұл жобаның мақсаты- қазақ тілінің қолданыс аясын кеңейту, жасөспірімдердің шығармашылық қабілеттерін арттыру, өзге ұлт өкілдерінің мемлекеттік тілге деген қызығушылығын ояту. Бұл олимпиадада мектебіміздің оқушылары да бақ сынап, жүлделі орындарға ие болды. Атап айтсақ, «Сөз шеберлері» номинациясы бойынша 10 сынып оқушысы Меңдібаева Дарина ІІІ орынды, «Жас қаламгер» номинациясында 11 сынып оқушысы Киікбаева Жанбота ІІ орынды, «Бейнелеушілер» номинациясында 10 сынып оқушысы Мағау Ақзер ІІІ орынды иеленді. Оқушыларымыз қазақ тілі мен әдебиеті пəндерінен білімдерін сынап, мәнерлеп өлең оқып, әуелете ән салып, эссе жазып шығармашылық деңгейлерін көрсетіп, алқазылардың оң бағасын алуға тырысты. Жүлделі орындарға ие болған оқушыларымыз бен жетекшілерін құттықтаймыз!

Комментарии